မိစ္ဆာဒိဋ္ဌိ ၆၂ ပါးလုံးကို လိုက်သတ်ရမည်လား
ဒကာ။ ။ မိစ္ဆာဒိဋ္ဌိ ၆၂ ပါးကို ပယ်ရ သတ်ရမည်၊ လက်မခံရဘူးဟု ဟောကြားနေကြရာ တစ်ပါးစီလိုက်ပြီး ကုန်အောင်သတ်နေရမှာလား၊ တစ်ပြိုင်နက် တစ်ချက်တည်းသတ်လို့ရတဲ့ နည်းများကော မရှိဘူးလား ဆရာတော်၊ ၆၂ ပါးသော မိစ္ဆာဒိဋ္ဌိဆိုတာလည်း ပြောလို့သာ ကြား ရတယ်၊ ဘာတွေမှန်းလည်း မသိရဘူး၊ ရှင်းပြပါဦး ဆရာတော်။
ဆရာ။ ။ ၆၂ ပါးသော မိစ္ဆာဒိဋ္ဌိဆိုတာ သက္ကာယဒိဋ္ဌိက ပေါက်ပွားလာတာတွေချည်း ဖြစ်လို့ သက္ကယဒိဋ္ဌိကို လက်ဦးအစ ပထမသတ်ရမည် ဒကာကြီးတို့၊ သူသေရင် ၆၂ ပါးလုံး သေရောပဲ။
“ဣမာ ခေါ ဂဟပတိ ဒိဋ္ဌိယော သက္ကာယဒိဋ္ဌိယာ
သတိ ဟောန္တိ၊ သက္ကာယဒိဋ္ဌိယာ အသတိ န ဟောန္တိ။
စိတ္တသူကြွယ်၊ ဤ ၆၂ ပါးသော မိစ္ဆာဒိဋ္ဌိတို့ဟာ သက္ကာယဒိဋ္ဌိရှိနေလို့ ဖြစ်ပေါ်နေကြ တာ၊ သက္ကာယဒိဋ္ဌိ မရှိရင် သူတို့လည်း မဖြစ်ပေါ်နိုင်ကြဘူး”
အဲဒီလိုစိတ္တသူကြွယ်ကို ဟောကြားတော်မူသော ဒေသနာတော်အရ သက္ကာယဒိဋ္ဌိတစ်ပါးကို ပယ်သတ်ပစ်လိုက်ရင် ၆၂ ပါးသော ဒိဋ္ဌိတွေလည်း ပြုတ်သွားမှာပေါ့၊ တစ်ပါးစီ လိုက်သတ်နေစရာ မလိုပါဘူး။
၆၂ ပါးသော မိစ္ဆာဒိဋ္ဌိကို သိချင်ရင် ဆရာတော်ရေးပြုတဲ့ သုတေသန သရုပ်ပြ အဘိဓါန် ကျမ်းကြီး မှာ ရှာယူပေတော့။
ဒကာ။ ။ ကောင်းလှပါပြီ ဆရာတော် အမိန့်တော်အတိုင်း ရှာယူပါမည်။
No comments:
Post a Comment