ဘ၀အမျိုးမျိုးတွေ ဖြစ်ပျက်နေတာ ဘာ့ကြောင့်လဲ
ဒကာ။ ။ ဆရာတော်တို့ တရားဟောလိုက်ရင် အနိစ္စ၊ ဒုက္ခ၊ အနတ္တ၊ ဖြစ်ပျက်၊ မမြဲ၊ ဆင်းရဲ၊ အစိုးမရ၊ ငါမဟုတ်တွေချည်းပဲ၊ အဲဒါတွေဟာ ဘာကြောင့်ဖြစ်ပျက်နေတာလဲ ဆရာတော်၊ ဘယ်သူတွေက ဖန်ဆင်းလိုက်လို့ ရလာတာတွေလဲ။
ဆရာ။ ။ “ပစ္စယော ဥဒယ ၀ယံ” အကြောင်းရှိလို့ဖြစ်ပျက်နေတာပေါ့ ဒကာကြီးတို့ရ၊ အကြောင်းမရှိရင် အကျိုးမဖြစ်ဘူးပဲ။
ဒကာ။ ။ အကြောင်းရှိလို့ဆိုတာတွေက ဘာတွေ ဘယ်သူတွေ ရှိနေတာပါလဲ ဆရာတော် နည်းနည်းပါးပါး ရှင်းပြပေးပါလား ဘုရား။
ဆရာ။ ။
(၁) အဲဒီ အနိစ္စ၊ ဒုက္ခ၊ အနတ္တ၊ မခိုင်မြဲလို့ ဆင်းရဲတာ၊ ငါ, ငါ့ဟာ မဟုတ်တာ အမှန်ကို မသိမမြင်အောင် ဖုံးအုပ်ကာကွယ်ပြီး မြဲတယ်၊ ချမ်းသာတယ်၊ ငါ, ငါ့ဟာဟု ထင်မှတ်အောင် ပြုလုပ်နေတဲ့ အ၀ိဇ္ဖာခေါ်တဲ့ မောဟရယ်။
(၂) အဲဒီဟာတွေကိုပဲ ငါ့ဟာဟု သာယာ၊ ခင်မင်၊ လိုချင်၊ တပ်မက်၊ ဆာလောင်၊ စွဲလမ်းနေတဲ့ တဏှာ ဥပါဒါန် ခေါ်တဲ့ လောဘရယ်။
(၃) အဲဒီလို လိုချင်စွဲလမ်းလို့ ရအောင်ပြုလုပ်တဲ့ လောကီကုသိုလ် အကုသိုလ် စေတနာကံတွေရယ်။
အဲဒါဟာ အနိစ္စ၊ ဒုက္ခ၊ အနတ္တ၊ ဖြစ်ပျက်တွေပေါ်လာအောင် ပြုလုပ်စီမံပေးနေတဲ့ အကြောင်းအရာတွေပဲ၊ ပုဂ္ဂိုလ်၊ သတ္တ၀ါ၊ တန်ခိုးရှင်က ဖန်ဆင်းပေးတာ မဟုတ်ဘူးလို့ ဗုဒ္ဓက ဟောကြားတော်မူတယ်။
ဒကာ။ ။ ဒီလိုဆို လောကီကုသိုလ် အကုသိုလ် စေတနာကံတွေကို မပြုလုပ်ဘဲ ရပ်ထားလိုက်ရင် ဖြစ်ပျက်၊ အနိစ္စ၊ ဒုက္ခ၊ အနတ္တနယ်က လွတ်ရောလား ဆရာတော်၊ ဆက်လက်မိန့်ကြားပါဦး ဘုရား။
ဆရာ။ ။ အင်း…..အကုသိုလ် စေတနာကံကိုတော့ အပါယ်သွားလမ်းမို့လို့ မပြုလုပ်ဘဲ ရပ်နေရမယ်၊ လောကီကုသိုလ်ကိုတော့ မပြုလုပ်ဘဲ ရပ်မနေရဘူး၊ ပြုရ လုပ်ရမှာပဲ ဖြစ်တယ်။
အဲဒီ လောကီကုသိုလ်ကံပြုလုပ်တဲ့အခါမှာ အ၀ိဇ္ဇာနဲ့ တဏှာ ဥပါဒါန် မပါစေနဲ့၊ ၀ဋ်ဘ၀ကို မသာယာနဲ့၊ မတောင့်တ မလိုချင်နဲ့၊ ဘ၀ရဲ့ မခိုင်မြဲမှု အနိစ္စ၊ ဆင်းရဲခြင်း ဒုက္ခ၊ ငါ, ငါ့ဟာမဟုတ် ရုပ် နာမ် ၊ ဒုက္ခသစ္စာမျှသာဟု အမှန်သိတဲ့ ၀ိဇ္ဇာဉာဏ် ဦးစီးပြီး နိဗ္ဗာန်ကို ဆန္ဒပြုကာ ပြုလုပ်ရမှာဖြစ်တယ်၊ ကဲ….သဘောပေါက်ရဲ့လား၊ အဲဒါ ၀ဋ်ပြတ်ဉာဏသမ္ပယုတ် လောကီကုသိုလ် ခေါ်တယ်။
ဒကာ။ ။ ၀ဋ်ဘ၀ဆင်းရဲဖြစ်ပေါ်လာပုံကို အကြောင်းရင်းနှင့် ထုတ်ပြလို့ ကျေနပ်လှပါတယ် ဆရာတော်၊ အ၀ိဇ္ဇာ၊ တဏှာ၊ ဥပါဒါန်ဟာ ဘ၀ရဲ့ လက်သည်ပဲကိုး၊ သိပါပြီ ဆရာတော်။
No comments:
Post a Comment