မြတ်ဗုဒ္ဓလက်ထက် ကျွတ်တမ်းဝင်သူ အရေအတွက်
ဒကာ။ ။ မြတ်စွာဘုရားသခင် သက်တော်ထင်ရှား တရားဟောစဉ် နိဗ္ဗာန်ဝင်သော ဘ၀ပြတ် သာဝကဦးရေ မည်မျှရှိကြောင်း ပိဋကတ်တော်မှတ်တမ်းများ ရှိပါသလား ဆရာတော်၊ ရှိရင် သိပါရစေဘုရား။
ဆရာ။ ။ “အဋ္ဌရသ ဗြဟ္မကောဋိယော” ဗြဟ္မာဦးရေ တစ်ဆယ့်ရှစ်ကုဋေ၊ “အပရိမာနာစ ဒေ၀တာယော” နတ်ဦးရေတွေကတော့ အတိုင်းမသိ ရေတွက်လို့ မရနိုင်အောင် ကျွတ်တမ်းဝင်ကြတယ်လို့ မိလိန္ဒပဥှာကျမ်းမှာ အဆိုရှိတယ်၊ လူဦးရေကို မပြဆိုပေမင့် ကုဋေနဲ့ ချီပြီး ရေတွက်မှာပဲ၊ ဒါကြောင့် အတိုင်းမသိ ကုဋေများစွာ ဗုဒ္ဓလက်ထက်တော်မှာ ကျွတ်တမ်းဝင်တယ်လို့ မှတ်ပေတော့။
ဉာဏစာရီ ဆရာတော်ရေးသားပြုစုတဲ့ ၀ိပဿနာနယ၀ိတ္ထာရဒီပနီ စာမျက်နှာ ၅၇ ၌ ၂၄ သင်္ချေ ကုဋေ ၆၀၊ ဗိုလ်ခြေတစ်သိန်း ကျွတ်တမ်းဝင်သွားကြောင်းဟု ဖော်ပြထားတာ သိမှတ်ဖူးသေးတယ်၊ ကျမ်းညွှန်းတော့ မပါဘူး၊ အဲဒါ ဘ၀ပြတ် သာဝကတွေပဲ။
No comments:
Post a Comment