မိစ္ဆာဒိဋ္ဌိကို ဘယ်တရားနဲ့ ပယ်ရှားရမည်လဲ
ဒကာ။ ။ မိစ္ဆာဒိဋ္ဌိခေါ်တဲ့ အယူအစွဲ အကျင့် အကြံအမှား အပါယ် လေးပါးပို့တဲ့ တရားဆိုးတရားညစ် တွေကို ဘယ်တရားမျိုးနဲ့ ပယ်ရှားရိုက်ချိုးသတ်ပစ်နိုင်ပါသလဲ ဆရာတော်၊ တိုတိုရှင်းရှင်းကလေးနဲ့သာ ဖြေကြားပါဘုရား၊ ရှည်လွန်းရင် ရှုပ်ထွေးကုန်ရော နားမလည်တော့ဘူး ဘုရား။
ဆရာ။ ။ အင်း… မဟာဝဂ္ဂသံယုတ် အဋ္ဌကထာဆရာက တိုတိုကျဉ်းကျဉ်းကလေးနဲ့ လိုရင်းကို ဟောဒီလို ပြဆိုထားတယ်။
ဒိဋ္ဌိယော နာ ၀ိပဿနာယ ဧ၀ ပဟီနာ။
ဘယ်ဒိဋ္ဌိမဆို ဒိဋ္ဌိမျိုး မှန်သမျှတွေကို ၀ိပဿနာတရား တစ်ခုတည်းနဲ့သာ ပယ်ရှားရိုက်ချိုး သတ်ပစ်နိုင်တယ်တဲ့ ဒကာကြီးတို့ရဲ့။
ဝိပဿနာအာရုံထဲမှာ ဒိဋ္ဌိအယူအစွဲဟာ တစ်ပဲသားတောင် မပါရဘူး၊ ကဲ… ရှင်းရဲ့လား၊ ရုပ်နာမ်ဓမ္မတို့၏ ဖြစ် ပျက်မှု ဆင်းရဲအစုကိုသာအာရုံပြု ရှုမှတ်နေရင် အပါယ်တံခါး ပိတ်တာပဲ။
ဒါကြောင့် ၀ိပဿနာတရားအမှန်ကို သေချာစွာ ပြပေးတတ်တဲ့ စာတတ်ပေတတ် ဆရာကောင်းကို ရှာမှီး ဆည်းကပ် ပွားများအားထုတ်သွားရင် မိစ္ဆာဒိဋ္ဌိကို ပယ်ရှားတာပဲ၊ ဒါန၊ သီလ၊ သမထကို ပယ်ဖို့ ပြောနေတာ မဟုတ်ဘူး။
ဒကာ။ ။ ကျေးဇူးတင် ၀မ်းသာလှပါတယ် ဆရာတော်၊ ၀ိပဿနာတရားကိုလည်း ကြိုးစားအားထုတ် ပွားများပါမည်ဘုရား။
No comments:
Post a Comment