မအိုအောင် အသက် ရာ ထောင်ရှည်အောင်ပြုနည်း ဘုရားဟောရှိသလား
ဒကာ။ ။ သာသနာဝင် ကျမ်းစာတွေထဲမှာ မအိုအောင် လုပ်တဲ့နည်း၊ အသက်ရာ ထောင် ရှည်အောင် လုပ်တဲ့နည်းနယများ ဘုရားဟော ရှိပါသလား ဆရာတော်။
ဆရာ။ ။ ဆဋ္ဌသံဂါယနာတင် သာသနာဝင်ကျမ်းဂန် နေတ္ထိပါဠိတော်မှာတော့
သက္ကတေ၀ ဇရာယ ပဋိကမ္မံ ကာတုံ။
“အိုချိန်ကာလ၌ မအိုရအောင် ကြံဆောင်စီမံပြုလုပ်ခြင်းငှာ စွမ်းနိုင်သည်” လို့ ဆိုထားတာ တွေ့ဖူးတယ်၊ ဘယ်လို ဘယ်နည်း လုပ်ရပုံတို့ကိုတော့ ညွှန်ပြမထားဘူး၊ ၀ိသုဒ္ဓိမဂ် မဟာဋီကာ ကျမ်းဆရာကြီးကတော့ အသက်ရာထောင်ရှည်နည်းကို……
ရသာယန ဘေသဇ္ဇံ ပန သုစိရံပိ ကာလံ ဇီဝိတံ ပ၀တ္တေတုံ သက္ကောတိယေ၀။
ရသာယန ခေါ်တဲ့ ဆေးထူးဆေးမြတ်ကို ဖော်စပ်စီရင် မှီဝဲခြင်းဖြင့် အသက်ရာထောင် ကြာမြင့်စွာ တည်နေနိုင်ကြောင်း စွမ်းအင်ရှိပုံကို ပြဆိုထားတာ တွေ့ရတယ်၊ ဆေးနည်း အမယ်ကိုတော့ ပြမထားဘူး ဒကာကြီးတို့ စားချင်ရင် စီရင်တတ်တဲ့ ဆရာသမားများထံ ဆည်းကပ် ခ စားပေတော့။
မှတ်ချက်။ ။ ယင်းနုပျိုနည်း အသက်ရှည်နည်းဟာ မုချရှိတယ်လို့ သက္ကတေ၀ သက္ကောတိယေ၀ ဟု ဧ၀သဒ္ဒါနဲ့ ဧကန်မုချ ပြဆိုထားတယ်၊ ဒါကြောင့် ယုံကြည်ရမည်လို့ မှတ်ပါ။
ဒကာ။ ။ဆေးနည်းအမယ်မဖော်ပြတော့ကာ လမ်းပြမြေပုံမပါဘဲ သမုဒ္ဒရာထဲ သွားရသလို ဖြစ်နေတာ ပေါ့ ဆရာတော်။
No comments:
Post a Comment