ဥပုသ်သည်တို့မှာ သီလတပါးပျက်လျှင် အကုန်လုံး ပျက်ကရောလား

ဥပုသ်သည်တို့မှာ သီလတပါးပျက်လျှင် အကုန်လုံး ပျက်ကရောလား

          ဒကာ။           ။ ဆရာအချို့က ဥပုသ်သည်ဆိုတာ ကိုယ်ခံယူထားတဲ့ သီလကို အသက်တမျှ ရိုသေစွာ စောင့်ထိန်းရတယ်၊ ရှစ်ပါးသီလထဲက သိက္ခာပုဒ် တပါးပျက်သွားရင် အကုန်လုံး ပျက်စီးကုန်ရောလို့ ဟောပြောဆုံးမကြပါတယ်။

                             ဆရာအချို့ကတော့လည်း သည်လိုမဟုတ်ပါဘူးတဲ့၊ ကိုယ်ဆောက်တည် ခံယူထားတဲ့ သိက္ခာပုဒ်တွေထဲက တပါးပျက်သွားရုံနဲ့ အကုန်လုံး ပျက်မသွားပါဘူး၊ ကိုယ်ခံယူဆောက်တည်ထားတဲ့ ရှစ်ပါးသီလ, ကိုးပါးသီလ, ဆယ်ပါးသီလ အားလျော်စွာပေါ့၊ မိမိမကျူးလွန်တဲ့ သိက္ခာပုဒ်တွေကတော့ ကျန်နေတာပါပဲ မပျက်စီးပါဘူး လို့ ဟောပြောဆုံးမကြပါတယ်၊ ဘယ်ဝါဒက မှန်ပါသလဲ ဆရာတော်။

          ဆရာ။           ။ အင်း...သည်ပြဿနာကို ပုဂ္ဂိုလ်အနေနဲ့ ခွဲခြားပြီးနားလည်အောင် ရှင်းပြပေးလိုက်မယ်၊ ဒီပြဿနာဟာလည်း တော်တော်လေး အမေးအစမ်းများတယ် ဒကာကြီးတို့ရ။

ရဟန်းပုဂ္ဂိုလ်၏ နိစ္စသီလ

(၁)     ရဟန်းတော်များမှာ ရဟန်းအဖြစ်နဲ့ တည်နေသမျှ ပါရာဇိကသီလကြီးလေးပါးဟာ သူတို့ရဲ့ နိစ္စသီလပဲ၊ အဲဒီ ပါရာဇိက သိက္ခာပုဒ်သီလကြီးလေးပါးထဲက တပါးပျက်ရင် ရှိသမျှ သီလတွေ အကုန်လုံး ပျက်ကရော ပဲ၊ ရဟန်းလည်း မဟုတ်တော့ဘူး။

ရှင်သာမဏေပုဂ္ဂိုလ်၏ နိစ္စသီလ

(၂)     ရှင်သာမဏေများမှာ ရှင်သာမဏေအဖြစ်နဲ့ တည်နေသမျှ လိင်ဆယ်ပါးသီလဟာ သူတို့ရဲ့ အမြဲလုံခြုံစောင့်ထိန်းနေရမည့် နိစ္စသီလပဲ၊ အဲဒီလိင်ဆယ်ပါးထဲက တပါးကိုကျူးလွန်လိုက်ရင် ကျန်တဲ့ ကိုရင်သီလတွေ အားလုံးပျက်ကရောပဲ၊ ကိုရင်လည်းမဟုတ်တော့ဘူး၊ ကိုရင်လုပ်ချင်ရင် သရဏဂုံသီလ တဖန် ပြန်ယူရတယ်။

လူပုဂ္ဂိုလ်တို့၏ အနိစ္စသီလ

(၃)     လူများမှာတော့ ပုံပမာ ရှစ်ပါးသီလထဲက တပါးကို ကျူးလွန်မိလို့ ပျက်သွားရင် ခုနစ်ပါးသော သီလသိက္ခာပုဒ်တွေ ကျန်နေသေးတယ်၊ မပျက်ပါဘူးတဲ့၊ အကြောင်းကတော့ လူများမှာ နိစ္စသီလရယ်လို့ မရှိဘူး၊ စောင့်သုံးတဲ့ အခိုက်ပဲဖြစ်တယ်။

          ဒကာ။           ။ တပည့်တော်တို့ မှတ်သားပြောကြားရအောင် ပါဠိကျမ်းဂန်များရှိရင် ထုတ်ဆောင်ပြပါလားဆရာတော်၊ တိုတို တိတိပေါ့ဘုရား၊ မယုံကြည်လို့တော့ မဟုတ်ပါဘူး၊ သူများမေးရင် အခိုင်အမာ ပြရအောင်ပါ။

          ဆရာ။           ။ အင်း...အဘိဓမ္မာအဋ္ဌကထာဖြစ်တဲ့ ဓမ္မကထိကတို့ လက်သုံး သမ္မောဟ ၀ိနောဒနီ အဋ္ဌကထာ သိက္ခာပဒ ၀ိဘင်းအဖွင့်မှာ....

                             ဂဟဋ္ဌာ ယံ ယံ ၀ီတိက္ကမန္တိ၊ တံ တဒေ၀ ခဏ္ဍံ ဟောတိ ဘိဇ္ဇတိ။

                             အ၀သေသံ န ဘိဇ္ဇတိ။ ကသ္မာ ဂဟဋ္ဌာ ဟိ အနိဗဒ္ဓသီလာ ဟောန္တိ၊

                             ယံ ယံ သက္ကောန္တိ တံ တဒေ၀ ဂေါပေန္တိ။

သီလခံယူထားပြီးသား လူတို့မှာ သီလတပါး ကျူးလွန်ဖျက်ဆီးပစ်မှားမိငြားအံ့၊ ထို မိမိကျူးလွန်မိသော သိက္ခာပုဒ်တပါးသာလျှင် ပျက်စီးသည်၊ ကြွင်းကျန်သော သီလ သိက္ခာပုဒ်များက မပျက်စီးချေ၊ အကြောင်းကတော့ လူတို့မှာ (ရဟန်း, သာမဏေတို့လို) အမြဲတစေ စောင့်သုံးရမည် ဆိုတဲ့ "နိဗဒ္ဓ" နိစ္စသီလမျိုးမရှိလို့ပဲ၊ အကြင်မျှလောက်သောသီလ သိက္ခာပုဒ်ကို စောင့်သုံးခြင်းငှာ စွမ်းနိုင်၏၊ ထို မိမိစွမ်းနိုင်သမျှကိုသာ စောင့်ထိန်းကြကုန်၏-

လို့ ရှင်းလင်းဖွင့်ဆို ဆုံးဖြတ်ချက်ချသွားတာတွေရှိတယ်၊ ဒိပြင် ပါဠိအဋ္ဌကထာဋီကာ စတဲ့ ကျမ်းဂန်တွေမှာလည်း အထောက်အထားတွေ များစွာပဲ ရှိသေးတယ်၊ ကဲ....ဘာများစောဒက တက်ဦးမလဲ၊ အဲဒါ ပါဠိကျမ်းဂန်က ဆိုတဲ့ အခိုင်အမာ စကားတွေ ပါပဲ။