သမ္မာဒိဋ္ဌိစက်တစ်လုံး၏ တန်ဖိုး

သမ္မာဒိဋ္ဌိစက်တစ်လုံး၏ တန်ဖိုး

+ သမ္မာဒိဋ္ဌိစက်တစ်လုံးသည် လောကသားအားလုံးတို့အား အကောင်းဆုံးသုခကို ပေးသွားနိုင်၏။ + သမ္မာဒိဋ္ဌိမဂ္ဂင်တရား ရှိထားသူကား စကြရတနာပိုင်ရှင်လေးကျွန်းသက်နှင်း စကြာမင်းကြီးတို့၏ ဂုဏ်ထက်ပို၍ မြင့်မြတ်၏။ + သမ္မာဒိဋ္ဌိမဂ္ဂင်တရားမရှိသူကား လောကစက် မလည်နိုင်ပေ။ + လောကစက် သွက်သွက် မှန်မှန်လည်နိုင်မှ စကြာမင်းဖြစ်၏။ + သမ္မာဒိဋ္ဌိမဂ္ဂင်စက် တစ်လုံးလည်လျှင် လောကစက် အားလုံးလည်၏။ + နိဗ္ဗာန်မဂ် ဖိုလ်စက်လည်း လည်ခွင့်ရောက်၏။ + သို့သော် နိဗ္ဗာန် မဂ် ဖိုလ် မလိုသူတို့ကား ဤသုတေသန သမ္မာ မဂ္ဂင်္ဂ ပဥှာ ကျမ်းမြတ်နှင့် လုံးဝမပတ်သက်ချေ။

အဂ္ဂမဟာပဏ္ဍိတ အရှင်သြဘာသာဘိဝံသ

Tuesday, December 14, 2010

အဓိဝါသနခန္တီနဲ့ အနုလောမခန္တီဟာ ဘယ်လို ထူးခြားသလဲ


အဓိဝါသနခန္တီနဲ့ အနုလောမခန္တီဟာ ဘယ်လို ထူးခြားသလဲ

ဒကာ။           ။ ခန္တီတရားတော်နဲ့စပ်ပြီး ဟောကြားတော်မူကြတဲ့အခါ အချို့ဆရာတော်များကလည်း အဓိဝါသနခန္တီအမြဲရှိနေဖို့ အရေးကြီးတယ်တဲ့။ အချို့ဆရာတော်တို့ကလည်း အနုလောမခန္တီရှိဖို့သာ အရေးကြီးတယ်တဲ့၊ အဲဒီ ခန္တီနှစ်ပါးရဲ့ အနက်အဓိပ္ပာယ်များကို ခွဲခြား မိန့်ကြားပါဦး ဆရာတော်။
ဆရာ။           ။ အင်း….အဲဒီ ခန္တီတရား နှစ်ပါးလုံးဟာ အရေးကြီးတာချည်းပဲ၊ လောကမှာ ခန္တီတရား မရှိတဲ့သူဟာ မိမိ၏ အကျိုးစီးပွားအတွက် ဘယ်သောအခါမှ မပြီးစီး မအောင်မြင်နိုင်ဘူးပဲ၊ သူတပါးအတွက် ဆိုတာ ဝေးရောပဲ၊ ကဲ…မှတ်ပါ။
(၁)     အဓိဝါသနခန္တီ- ဆိုတာက၊ မိမိအား သူတပါးတို့က ကဲ့ရဲ့ခြင်း, ရှုတ်ချခြင်း, အပြစ်ပြောခြင်း, ဆဲရေးခြင်း, စွပ်စွဲခြင်း, ပြစ်မှားခြင်း, ချမ်းအေးခြင်း, ပူလောင်ခြင်း, ဆာလောင်ခြင်း စတဲ့ ချို့တဲ့ဆင်းရဲမှု တခုခု အဖြစ်မျိုးနဲ့ ရင်ဆိုင်တဲ့အခါမှာ စိတ်မပျက်ဘဲ စိတ်အားတက်စွာနဲ့ ကြံ့ကြံ့ခံနိုင်ခြင်း စွမ်းအားသတ္တိရှိထားရမယ်တဲ့၊ သည်အခါမျိုးမှာ ဇွဲလုံ့လ ကြိုးစားအာထုတ်မှု ၀ီရိယကို အလျှော့မပေးခြင်းဟာ အဓိဝါသနခန္တီပဲ။
(၂)     အနုလောမခန္တီ ဆိုတာကတော့၊ ၀ိပဿနာတရား အာထုတ်ရှုမှတ်တဲ့ ယောဂီဟာ ရုပ်နာမ်တို့ ဖြစ်ပျက်မှု ဥဒယ၀ယ ဉာဏ်ကစပြီး ရှုမှတ်ရင်းနဲ့ ကိုယ်ခန္ဓာ၏ မခံသာအောင် ဆင်းရဲခြင်း ဒုက္ခသစ္စာ အမှန်တရားတွေကို မုချတွေ့ရလိမ့်မည်။ အဲသည်အခါမျိုးမှာ…..
          မခံသာ မှန်ပါ၏ သည်တရား၊ အတ္တကိုပယ်ခွာလို့ သည်းခံကာ ရှုမှတ်ပွားရင် နိဗ္ဗာန်သို့လား။
ဟူသော ၀ိပဿနာအထွတ်အထိပ်ဆရာပဏ္ဍိတ်တို့၏ ညွှန်ကြားသွားတဲ့နည်းနယအတိုင်း ကိုယ်တွင်း အဇ္ဈတ္တ၌ပေါ်လာတဲ့ ဒုက္ခသစ္စာကို ပိုင်းခြားရှုမှတ်ပွားများရင်း သေလုမတတ် တိုးတိုးဆိုးဆိုးပြီး မခံသာအောင် ပေါ်ပေါ်လာတဲ့ ဆင်းရဲဒုက္ခတရားစုကို အပြုံးမပျက်တဲ့ သောမနဿဉာဏ်နဲ့ ရုပ်နာမ်ဓမ္မတို့က ဆင်းရဲတာဖြစ်ပေါ်လာပြီး ပျက်ပျက်သွားတာ ငါမပါ, ငါမရှိ, ငါမဟုတ် ဟု အတ္တဒိဋ္ဌိ သက္ကာယဒိဋ္ဌိ တို့ကိုဖြုတ်ကာ သည်းခံပြီးတော့သာ ရှုမှတ်ပွားများ၍ နေရမည်တဲ့။
          အဲသည်လို မတွန့်မရွံ့ မဆုတ်မယုတ် အဟုတ်တကယ် သည်းခံပြီးတော့ ရှုမှတ်ရင်း ရှုမှတ်ရင်းနဲ့ ၀ိပဿနာဉာဏ်စဉ်တွေဟာ တက်တက်ပြီး ကိလေသာ မ၀င်မစွက်တော့ဘဲ မှတ်ချက်တွေဟာ ကောင်းကောင်း ကောင်းကောင်း လာလိုက်တာ နောက်ဆုံး ဆယ်ခုမြောက်ဖြစ်တဲ့အနုလောမဉာဏ်ထဲလည်းရောက်ကရော အဲဒီ အနုလောမဉာဏ်ကနေပြီးတော့ သောတာပတ္တိမဂ်ဉာဏ်ကို ပေါင်းကူးပေးလိုက်တာ ရုပ်နာမ်တို့ ဖြစ်ပျက်မှု ဆင်းရဲဒုက္ခတွေဟာ ဖြုတ်ဆို ချုပ်ပျောက်ကာ အတုမရှိ အေးမြချမ်းသာ လှတဲ့ နိဗ္ဗာန်ကို မျက်မှောက်ပြုသွားပါရောတဲ့။
          အဲဒါ့ကြောင့် “သည်းခံရင် နိဗ္ဗာန်ရောက်တယ်” ဆိုတာဟာ ၀ိပဿနာတရားပွားများ အားထုတ်တဲ့အခါမှာ ကိုယ်တွေ့ ဒိဋ္ဌ ကိုယ်တွင်းပေါ် ဆင်းရဲဒုက္ခကို ကြပ်ကြပ်သည်းခံရမည့် အနုလောမခန္တီကို ဆိုတာလို့သာ မှတ်ပေတော့၊ နောက်ဆက်မမေးနဲ့ သိချင်ရင် ဆရာကောင်းများထံဆည်းကပ်ခစားပြီး ကိုယ်တိုင် အားထုတ်ကြည့် သိလိမ့်မယ်၊ ဒါပဲ။
          ဒကာ။           ။ တန်ဖိုးရှိလှတဲ့ အဖြေတရားတွေ ကြားသိရလို့ ၀မ်းသာမဆုံးတော့ပါ ဆရာတော်၊ ဒကာကြီးတို့လည်း ၀ိပဿနာ ရိပ်သာနဲ့တော့ နီးနီးလာပါပြီ။
          ဆရာ။           ။ အင်း…ခုမှ နီးနေ၊ သေခါနီးနေပြီ၊ ရိပ်သာနဲ့နီးတုန်းပဲ၊ ဘယ်တော့မှ ရောက်မှာ မဟုတ်ဘူး။

No comments: