ဧဟိဘိက္ခု ရဟန်းဖြစ်အောင် ပြုလုပ်နည်း
ဒကာ။ ။ မြတ်ဗုဒ္ဓရဲ့ သာသနာတော်မှာ ဧဟိဘိက္ခုရဟန်း အဖြစ် ရအောင် ဘာကို ဘယ်လို ပုဂ္ဂိုလ်အား ပေးလှူကာ ဘယ်လို ပတ္ထနာ ပြုရမည်ဆိုတဲ့ ညွှန်ကြားချက်များ ရှိပါသလား ဆရာတော်၊ ကျမ်းညွှန်းနဲ့ ပြပါဘုရား။
အကြင်သူသည် ပရိက္ခရာရှစ်ပါးကို သောတာပန်စသော အရိယာရှစ်ပါးတို့အားဖြစ်စေ၊ သိက္ခာသီလနှင့်ပြည့်စုံသော ပုထုဇဉ် ရဟန်းတော်အားဖြစ်စေ၊ ပေးလှူပြီးလျှင် ဤကောင်းမှုကြောင့် ဧဟိဘိက္ခုရဟန်း အဖြစ်ကို ရရှိပါစေသတည်းဟု ဆုတောင်းပတ္ထနာပြု၏၊ ထိုသူ၏ ကောင်းမှုကံသည် အကြောင်းပြည့်စုံသော ကာလ၌ မြတ်ဗုဒ္ဓတို့၏ မျက်မှောက်တော်တွင်ပင် ဧဟိဘိက္ခုရဟန်း ဖြစ်နိုင်၏တဲ့။
အကျယ်သိချင်ရင် သာရတ္ထဋီကာ ဒုတိယတွဲ စာမျက်နှာ ၅၁ မှာ လှန်လှောရှာဖွေ ကြည့်ရှုမှတ်သားပေတော့။
ဒကာ။ ။ ယခုလို သာသနာတော်မြတ်နဲ့ တွေ့ကြုံတဲ့ဘ၀မှာ ပရိက္ခရာရှစ်ပါးလောက်ကိုမှ မပေးလှူဖူးရင် ရှုံးခြင်းကြီး ရှုံးရမှာပေါ့ ဆရာတော်။ သည်လို အသိဉာဏ်တွေရအောင် ဖြေကြားပေးတဲ့အတွက် နှစ်သက် ၀မ်းသာလှပါတယ် ဘုရား။
No comments:
Post a Comment