ဝိဟာရသမပတ်ဆိုတာ ဘယ်လို ၀င်စားတာမျိုးလဲ
ဒကာ။ ။ သမပတ်လုပ်ငန်းနဲ့စပ်ပြီး နိရောဓသမပတ်၊ ဖလသမာပတ်၊ ဈာနသမာပတ်တို့ကိုသာ ကြားသိပါတယ်၊ ဓမ္မကထိက ဆရာတော်တပါးက “ ဝိဟာရသမာပတ်၊ ဝိဟာရသမာပတ်” နဲ့ ဟောသံကြားလို့ ယင်းအနက် အဓိပ္ပါယ်ကို တိုတိုနဲ့ သိပါရစေ ဆရာတော်။
ဆရာ။ ။ အင်း….တိုတိုနဲ့သိချင်ရင် ဝိဟာရသမာပတ် ဆိုတာ ဣရိယာပုတ်လေးပါးတို့တွင် ထိုင်လျက်ဝင်စားကာ ကိလေသာ ငြိမ်းအေးမှုယူနေတဲ့ သမာပတ်မျိုးလို့ တိုတိုနဲ့ မှတ်ပေတော့၊ ကဲ….အဲဒါပဲ။
ဒကာ။ ။ တိုတိုနဲ့မှတ် ဆိုတော့ကာ ရှည်ရှည်များ ရှိသေးလို့လား ဆရာတော်၊ ရှိရင်လည်း နည်းနည်းလောက် မိန့်ကြားပါဦး ဘုရား၊ တိုလွန်းအားကြီးနေလို့ပါ။
ဆရာ။ ။ အိမ်း…..ရှည်ရှည်လျားလျားလည်းရှိသေးတယ်၊ ဒါပေမဲ့ နည်းနည်းလောက်ပဲ ညွှန်ပြမည်၊ အဲဒီ ကိစ္စသိချင်ရင် ဆရာတော်ရေးပြုတဲ့ (သုတေသန သရုပ်ပြ အဘိဓာန်) ဒုတိယနှိပ်ခြင်း စာမျက်နှာ ၅၆၅ မှာကြည့်ပါ၊ အဲဒီမှာ….
(၁) ဒိဗ္ဗဝိဟာရသမာပတ်။
(၂) ဗြဟ္မဝိဟာရသမာပတ်။
(၃) အရိယဝိဟာရသမာပတ်….စသည်တွေ ပါရှိတယ်။
ဒကာ။ ။ ကောင်းပါပြီဆရာတော်၊ သုတေသန သရုပ်ပြ အဘိဓာန် စာအုပ်လည်း အိမ်မှာ အဆင်သင့်ပဲ ရှိပါတယ်။
No comments:
Post a Comment