ပိဋကတ်သုံးပုံကို ဘုရားရှင်တိုင်း ဟောတော်မူပါသလား
ဒကာ။ ။ ဓမ္မက္ခန္ဓာပေါင်း ရှစ်သောင်းလေးထောင်ရှိတဲ့ ပိဋကတ်သုံးပုံကို ဂင်္ဂါဝါဠု သဲစုမျှမက ပွင့်တော်မူသွားကြတဲ့ ဘုရားသခင်တိုင်း ဟောကြားတော်မူပါသလားဆရာတော်။
ဆရာ။ ။ အင်း….တချို့သော မြတ်စွာဘုရားတို့က မဟောကြားဘူး၊ တချို့သော မြတ်စွာဘုရားရှင်တို့က ဟောကြားတော်မူတယ်။
ဆရာ။ ။ အနှစ် ရှစ်သောင်းမျှ သက်တော်ရှည်ကြတဲ့ ဝိပဿီ, သိခီ, ဝေဿဘူ ဘုရားရှင်တို့ လက်ထက်တော်မှာ လူသားတွေဟာ အသက်ကလည်းရှည်, ဉာဏ်ပညာတွေ ကလည်း ထက်မြက်, ကိလေသာ အာသဝတို့ကလည်း နည်းပါးကြတော့ကာ သစ္စာလေးရပ်နဲ့ စပ်တဲ့ တရားတော်ကို တပုဒ်တဂါထာလောက်မျှ နာကြားကြရင် မဂ်, ဖိုလ် ရကာ ကျွတ်တမ်း ၀င်ကုန်ကြတာဘဲ။
အဲဒါကြောင့် ထိုထိုဘုရားရှင်တို့ လက်ထက်တော် ကာလမှာ သုတ္တန်, ဝိနည်း, အဘိဓမ္မာဆိုတဲ့ အကျယ်အကျယ် တရားဒေသနာတော်တွေကို ဟောလည်း မဟောကြားဘူး၊ ရှိလည်း မရှိဘူး၊ အဲဒီ ဘုရားရှင်တို့ လက်ထက်တော်မှာ သုတ္တ, ဂေယျ စတဲ့ အင်္ဂါကိုးတန် တရားဓမ္မက္ခန်ဟာ နည်းနည်းပါးပါးလောက်ပဲ ရှိတယ်တဲ့၊ ကဲ…အဲဒါပဲ။
ဒကာ။ ။ ဒါလောက်သိရတာ ၀မ်းမြောက်လှပါတယ် ဆရာတော်။
No comments:
Post a Comment